„Рециклираме и се наградуваме“ - акција во Ѓорче Петров
Општината Ѓорче Петров во соработка со компанијата „Елколект“ од денеска ќе почне да ја спроведува акцијата „Рециклираме и се наградуваме“.
Целта на акцијата е да се подигне јавната свест за потребата од собирање и рециклирање на електронски отпад, имајќи предвид дека овој отпад во себе има опасни материјали штетни за човекот, како и забраната да се фрла по контејнери заедно со комуналниот отпад.
Граѓаните, како што велат од општината, кои имаат неупотребливи електрични апарати, компјутери, монитори, телевозори и правосмукалки, својот опасен отпад може да го употребат за купон за учество во наградната игра.
Потенцијален добитник на една од трите награди: Лап-топ ХП, Телевиизор „Хундаи“ лед и правосмикалка „Горење“, е секој полнолетен граѓанин кој за времетраењето на наградната игра ќе достави електричен или електронски отпад на локацијата каде е поставен црвениот еко-магацин на „Елколект“.
Во општината Ѓорче Петров, еко - магацините на „Елколект“ се поставени во дворот на општината Ѓорче Петров и кај забавното игралиште пред мостот кон Волково, а отпадот може да биде оставен секоја сабота во неделата.
За секој поединечен апарат, учесникот ќе добие по еден купон, а пак одредени видови опрема како големи домашни апарати, опрема за информатичка технологија и телекомуникација, електричен и електронски алат носат и по два купона.
Акцијата започнува денеска, а извлекувањето на наградите е на 19-ти декември. Резултатите од извлекувањето ќе бидат објавени на веб страниците на „Елколект“ и општината Ѓорче Петров.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање