ОН: Речиси 690 милиони луѓе, или 8,9 проценти од луѓето во светот се гладни
Еден од девет лица во светот ќе биде гладен, при што пандемијата на коронавирусот ги засилува веќе влошените трендови оваа година, се вели во извештајот на ОН објавен денеска.
Економското забавување и шоковите поврзани со климата туркаат се повеќе луѓе во глад, додека храната останува премногу скапа за многумина.
„После неколку децении долг пад, бројот на луѓе кои страдаат од глад полека се зголемува од 2014 година“, се вели во годишниот извештај „The State of Food Security and Nutrition in the World“.
Освен обезбедување доволно храна, храната мора да биде со хранливи состојки, се истакнува во студијата. Речиси 690 милиони луѓе, или 8,9 проценти од луѓето низ целиот свет, се гладни, објавија ОН.
Тој број се зголеми за 10 милиони луѓе за само една година до 2019 година, а за 60 милиони во изминатите пет години, покажа студијата, во која се вели дека искоренувањето на гладот до 2030 година – цел поставена пред пет години – ќе биде невозможно ако продолжат трендовите.
До 2030 година, над 890 милиони луѓе би можеле да бидат погодени од глад, или 9,8 проценти од светското население, се проценките наведени во студијата.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка