Реал нема да штеди за Мбапе
Шпанските весници marca и as кои секогаш имаат добри информации околу случувањата во Реал Мадрид, во своите изданија тврдат дека „кралскиот клуб“, во летниот преоден рок ќе го руши светскиот рекорд, односно за трансферот на 18-годишнот напаѓач на Монако, Мбапе да го платат најмалку 120 милиони евра.
Тинејџерот од Монако оваа сезона ја залуде Европа со своите брилијантни партии и ефикасни настапи. Тој на 32 натпревари сезонава има постигнато 19 голови, а особено е импресивен неговиот учинок во изминатите претходните 45 денови, кога постигна 11 голови на девет натпревари.
Вредноста на Transfermarkt, на младиот француски репрезентативец изнесува нешто повеќе од 10 милиони евра, но весниците тврдат дека пазарната сума е најмалку десет пати поголема, бидејќи интерес за Мбапе покажуваат најголемите европски тимови.
As пишува дека Монако веќе одбил една понуда од 110 милиони евра, што значи дека Реал ќе мора да понуди повеќе доколку сака да го реализира трансферот на 18-годишникот кого го споредуваат со Тиери Анри.
Според весникот во Реал се свесни дека ќе мора да понудат најмалку 120 милиони евра, од проста причина што интересот за Мбапе е голем, него го сакаат речиси сите англиски великани и француски ПСЖ.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња