Реал Мадрид победник на Светското клупско првенство

Европскиот првак Реал Мадрид ја освои титулата на Светското клупско првенство откако во финалето во Јокохама денеска го победи јапонскиот првак Кашима со 4:2 по продолжение. Јунак на финалето беше Кристијано Роналдо кој постигна хет – трик.

Реал поведе во 5.минута со голот на Карим Бензема, но Кашима со головите на Гаку Шибасаки во 44.минута и во 52.минута го презеде водство (2:1). Во 60.та минута Роналдо од пенал изедначи на 2:2, а во продолжението постигна уште два гола (98 и 104 минута), што беше доволно за триумф.

Во дуелот за 3.место Атлетико Национал по изведување на пенали славеше победа над Клуб Америка. Натпреварот заврши 2:2, а на пенали 4:3 за Атлетико Национал.