Реакција од ВМРО-ДПМНЕ на прес-конференција на Марјанчо Николов од СДСМ
СДСМ ја извитоперува вистината, наведува владејачката ВМРО-ДПМНЕ во реакција на денешната прес-конференција на Марјанчо Николов од СДСМ на која беше побарано да на се плаќа надомест за сервисирањето на фискалните апарати за GPRS терминалот и крипто модулот.
ВМРО-ДПМНЕ истакнува дека фискални апарати мора да има и истите треба да бидат поврзани со ГПРС уред бидејќи на тој начин се следи прометот во реално време и се намалува сивата економија.
- И кога, Маријанчо Николов, зборува за давачките од 60 евра, треба да каже дека тие давачки не одат во буџетот, туку се за одржување и не се 60 евра за сите туку зависат од договорот со сервисерот. И покрај тоа државата за да им излезе во пресрет на фирмите, донесе законски измени во Законот за регистрација на готовински плаќања, со кој се предвиде еден задолжителен бесплатен сервис годишно, се вели во реакцијата.
Од ВМРО-ДПМНЕ додаваат дека „уште поголема е лагата за казните“ и потсетува дека во соработка со бизнис заедницата во јули годинава се донесени измени на Законот за прекршоци со кој санкциите се нивелираат во зависност со економската моќ на компаниите. Намалувањето на казните е уште еден чекор кон подобрување на бизнис климата во земјата и овозможува македонското стопанство да продолжи да остварува добри резултати, истакнува ВМРО-ДПМНЕ.
Според ВМРО-ДПМНЕ, вистината е дека во време на СДСМ беа затворени 684 фирми и остави на улица 200 илјади граѓани. - Вистината е дека во време на СДСМ невработеноста беше 38 проценти, а сега е 26,8 проценти и секојдневно се намалува. Во времето на СДСМ не постоеја фискални каси бидејќи ја поттикнуваа сивата економија. И ова е факт, бидејќи иако во времето на СДСМ даноците беа повисоки, приходите во буџетот беа пониски. Сега Македонија има најниски даноци во светот, а приходите во буџетот се повисоки, наведува ВМРО-ДПМНЕ во реакцијата.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња