Расте бројот на загинати и повредени во земјотресот на островот Јава

Земјотресот со јачина од 5,6 степени според Рихтеровата скала што утрово го погоди индонезискиот остров Јава зад себе остави хаос – најмалку 60 загинати, 700 повредени, урнати куќи и оштетена инфраструктура.

Според тамошните власти, најмалку 40 деца се меѓу жртвите додека спасувачките екипи продолжуваат да ги пребаруваат урнатините. Потресот е регистриран во близина на градот Чијанџур, а се почувствувал и во главниот град Џакарта оддалечен околу 100 километри од местото на епицентарот.