Распишан конкурсот за наградата „Державин“
Друштвото на писателите на Македонија и Славјанскиот универзитет „Гаврило Романович Державин“ од Свети Николе го распишаа конкурсот за наградата за поетска книга која со своите содржински специфики и естетски вредности успешно се вградува во новите развојни процеси на македонската литература.
Наградата, што го носи името „Гаврило Романович Державин“, се востановува со парична донација на Славјанскиот универзитет од Свети Николе, а по повод претстојното одбележување на 70-годишнината од формирањето на ДПМ. Признанието ќе се доделува секоја година за најновите поетски остварувања на членовите на македонската писателска асоцијација објавени во последните 12 месеци, заклучно со јуни, соопшти ДПМ.
Одлуката за наградата ќе ја донесе тричлено жири составено од истакнати критичари, есеисти и поети. Свеченото предавање на признанието ќе се одржи во средината на септември на Славјанскиот универзитет „Гаврило Романович Державин“ во Свети Николе. На свеченоста ќе гостува поетскиот караван на ДПМ со учество на 20 поети од различни генерации.
Книгите што ќе конкурираат за наградата „Державин“ издавачите или самите автори ќе треба да ги достават во четири примероци, до ДПМ најдоцна до 20 август.
Ново на Сител
-
Албанската опозиција во кампања со поддршка од косовскиот премиер
-
Анкета на ИРИ: Србите најголеми пријатели, Бугарија најголема закана за Македонија
-
Младите се пречесто на социјалните медиуми – не пребаруваат за политика
-
Наместо зголемени плати за 12%, вработените во култура не добија никаква плата за март - најавија протести
-
Доживотна казна затвор за кочанчанец кој усмрти жена на свиреп начин
-
Приватните специјализанти од понеделник се селат пред здравство
-
Стартува кампањата за парламентарните избори
-
Уште 5 дена кампања за претседателските избори