Македонија
4. October 2018 - 14:31

Распарченото тело на маче ставено врз пентаграм во Драчево

Секта или умоболно изживување – сатанистички симболи и искасапено маче среде текст кој го слави сатаната на улица во Драчево, пишува здружението за заштита на животните „Анима мунди” на Фејсбук.

-Фотографијата била направена утрово во Драчево, на неа се гледа како телото на мачето е буквално пресечено на пола – поставено на улица среде сатанистички симболи и латински текст „слава му на сатаната (аd majorem sathanas gloriam ) “ и „врати на пеколот, отворете се (zazas, zazas, nasatanada zazas) “. Ваква морбидност до сега немаме сретнато и неопходна е итна полициска истрага за да се фати сторителот. Не знаеме дали станува збор за организиран сатанистички ритуал во Скопје или монструозна игра на некој психопат, но што и да е во прашање сторителот мора да се фати и мора да одговара кривично со најстрога затворска казна за изживување и убиство на животно-велат од здружението.