Македонија
17. May 2022 - 10:39

Расчистено разбојништво во Радовиш, приведени разбојници

Одделението за внатрешни работи Радовиш денеска (17.05.2022), до Основното јавно обвинителство Струмица поднесе кривична пријава против К.К.(27) од Радовиш поради постоење основи на сомнение дека сторил кривични дела „разбојништво“ по член 237 став 4 и „спречување на докажување“ по член 368 и против М.Т.(22) и О.А.(21), двајцата од село Покрајчево, радовишко, поради постоење основи на сомнение дека сториле кривично дело „разбојништво“ по член 237 став 4 од Кривичниот законик.

- На 09.05.2022 во 04.00 часот, М.Т. и О.А. со закана со пиштол и нож кон вработени во казино на улица „Свети Спасо Радовишки“ во Радовиш одзеле два коверти со исплатени тикети за кои сметале дека има пари. После тоа, К.К. ги фрлил предметите со кое било извршено делото во канал во близина на с.Раклиш, радовишко. По преземени мерки, полициски службеници од ОВР Радовиш ги пронашле предметите. Исто така, при претрес во домот во кој М.Т. живее под наем, извршен со судска наредба, биле пронајдени и одземени марихуана и две дробилки со остатоци од марихуана, информираат од МВР.

На 16.05.2022 лицата биле лишени од слобода и во службен разговор со полициски службеници го признале делото. Во текот на денот тие ќе бидат изведени пред судија на претходна постапка од Основен суд Струмица.