Раониќ против Тим во спор за финалето на Индијан Велс
Канаѓанецот Милош Раониќ и Австриецот Доминик Тим се првите двајца полуфиналисти на турнирот од сериите „Мастерс 1.000“ во Индијан Велс (САД).
Во раниот натпревар од програмата, Раониќ триумфираше со 6:3, 6:4 над српскиот квалификант Миомир Кечманов. Средбата траеше 73 минути, а Раониќ нанижа 13 аса и не загуби ниту еден гем на свој сервис. Канаѓанецот успеа да направи по еден брејк на сервисот на својот млад српски противник и на тој начин, без особени тешкотии, си најде место меѓу четворицата најдобри.
За место во финалето Раониќ ќе игра со Доминик Тим.
Австриецот заштеди напори откако неговиот конкурент во четвртфиналето, Гаел Монфис од Франција не беше во состојба да игра и се откажа од натпреварот поради воспаление на ахиловата тетива на левата нога.
На овој начин Тим се рангира на првиот полуфинален меч на турнир од сериите „Мастерс 1.000“ на тврда подлога.
Подоцна денес ќе станат јасни имињата и на друфите двајца полуфиналист. Швајцарецот Роџер Федерер игра со Полјакот Хуберт Хуркач, додека Шпанецот Рафаел Надал ќе го има за противник рускиот ривал Карен Хачанов.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор