Ранко Кривокапиќ сменет од функцијата претседател на Собранието на Црна Гора
Собранието на Црна Гора синоќа го разреши Ранко Кривокапиќ од должноста претседател на Парламентот, избра нови министри и усвои закон за одржување фер и слободни избори.
Кривокапиќ е сменет со 43 гласови „за“, еден „против“ и 18 неважечки гласови, а пратениците за неговото разрешување гласаа тајно.
До изборот на новиот претседател, со Парламентот ќе претседава потпретседателот Милутин Симовиќ од владејачката Демократска партија на социјалистите (ДПС).
Пратениците синоќа, еден час по полноќ го усвоија и Законот за создавање услови за фер и слободни избори, т.н. лекс специјалис, „за“ кој гласаа 49 пратеници, „против“ беа 20, а воздражни шест.
На седницата беа избрани и двајца потпретседатели на Владата, Петар Ивановиќ и Миодраг Вујовиќ. За министер за земјоделство е избран Миленко Поповиќ, за финансии Рашко Коњевиќ, за внатрешни работи Горан Даниловиќ, за труд и социјална политика Борис Мариќ. По изборот новите членови на Владата положија заклетва.
Разрешувањето на Кривокапиќ и изборот на нови министри успеди откако неговата Социјалдемократска партија (СДП) ја раскина повеќегодишната коалиција со ДПС и ја напушти Владата.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка