Рама се расплака читајќи ги имињата на 50. жртви од земјотресот
Албанскиот премиер на денешната владина седница изјави дека се прекинати потрагата и спасувачките операции по преживеаните од земјотресот, додавајќи оти бројот на жртвите од катастрофалниот земјотрес се искачи на 50.
– Акциите за пребарување и спасување се завршени и за жал морам да кажам дека бројот на жртвите се искачи на 50, наведе Рама.
Кога почна да ги чита имињата на жртвите Рама почна да плаче, но набрзо се смири и продолжи.
Владата донесе одлука со која на семејствата кои изгубија членови да им додели по еден милион леки (околу 8.500 евра), а ќе ги покрие и трошоците за погреб. Одлуката важи и за семејствата на браќата Шемседин и Иса Абази од Гњилане, Косово, кои загинаа при уривање на хотел во Драч.
Рама им се заблагодари на екипите за потрага и спасување кои дојдоа во Албанија од повеќе земји.
Без нив не би можеле да спасиме ниту еден жител од под урнатините. Но, ова не ја намали работата на нашите екипи за пребарување и спасување, но ним им се потребни специјални средства, рече премиерот.
Тој објави и податоци за најпогодените области.
– Сериозни оштетувања има кај 1.192 објекти, а за 265 стамбени згради треба проценка, како и за осум училишта и една здравствена установа. Во хотел сместени се 2.472 лица, додаде Рама.
Тој најави дека секој кој гради за профит, при тоа злоупотребувајќи ќе биде санкциониран.
– Затвор за супервизорите, архитектите и градежниците кои злоупотребуваат, изјави Рама со повишен глас на денешната владина седница.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.