Рама до Вучиќ: Катастрофално за тебе и Србија доколку не дојдеш на Самитот
Албанскиот премиер Еди Рама упати порака до претседателот на Србија, Александар Вучиќ, кој претходно изјави дека нема да учествува на Самитот меѓу ЕУ и Западен Балкан, што на 6 декември ќе се одржи во Тирана, јави АБЦ њуз.
– Учеството на Самитот е единствениот пат што го има Вучиќ, бидејќи во спротивно тоа би било катастрофално за него и за Србија, истакна Рама.
Тој нагласил дека единствениот што нема да биде дел од Самитот е премиерот на Шпанија, бидејќи неговата земја го одбележува Денот на Уставот.
– Само премиерот на Шпанија нема да присуствува. Ми испрати писмено објаснување. Шпанија го одбележува Денот на Уставот и тоа е ден од големо значење. Ги знаете и внатрешните тензии во Шпанија. Неговото писмо е поткрепено и доволно за неможноста за учество. Другите ќе бидат присутни, доде Рама.
Во однос на одржувањето на Самитот и најавениот протест на опозицијата, тој е оптимист дека на 6 декември нема да има инциденти бидејќи „Самитот е организиран подолго време и се преземени сите мерки од Албанија и европските организатори“.
Рама ја обвини опозицијата и Сали Бериша, велејќи дека „протестот на 6 декември е апсурден, а Бериша протестира за свои интереси“.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено