Рахој: Не постои ризик за поделба на Шпанија
Шпанија нема да биде поделена, изјави шпанскиот премиер Маријано Рахој за германскиот весник „Велт“, една недела по каталонскиот референдум за независност.
На прашањето дали постои ризик Шпанија да биде поделена, Рахој во интервјуто одговара дека таков ризик апсолутно не постои.
- Шпанија нема да биде поделена и националното единство ќе се сочува. Ќе направиме се да го обезбедиме тоа со законски решенија, рече Рахој.
Во Каталонија на 1 октомври беше одржан референдум за независност кој шпанскиот суд го суспендираше, а Владата во Мадрид го прогласи за незаконски.
Референдумот беше проследен со полициско насилство и голем број повредени граѓани и полицајци.
Повеќе од 90 отсто од граѓаните кои излегоа на референдумот се изјаснија за отцепување од Шпанија, иако излегоа помалку од половина од избирачите.
Ново на Сител
-
ЦУК со апел за внимателност поради најавените метеоролошки промени
-
Во Грција уапсени 67 лица за спортско насилство и убиство на полицаец
-
Доларот зајакна петта недела по ред, порасна и цената на нафтата
-
Десет загинати во воздушен судар и уривање на два воени хеликоптери во Малезија | ВИДЕО
-
Северна Кореја извршила симулација на нуклеарен контранапад
-
Стапува во сила првиот билатерален Договор за стратешко партнерство меѓу ЕУ и Јапонија
-
Сообраќајот по влажни коловози, застои нема
-
Облачно со повремен пороен дожд и грмежи