Рахој: На изборите во Каталонија нема да победат приврзаниците на независноста
Шпанскиот премиер Маријано Рахој денеска изрази надеж дека на вонредните избори во Каталонија нема да победат приврзаниците на независност на автономната област.
Во интервју за радио „Копе“, Рахој ги повика сите каталонски гласачи да ја изразат својата волја и рече дека секој што ќе победи мора да го почитува законот.
- Ние ќе работиме со цел силите, кои ја поддржуваат независноста на Каталонија да не победат, истакна тој.
Коментирајќи го спроведувањето на членот 155 од шпанскиот Устав, со кој се ограничува самоуправата на Каталонија, Рахој рече дека тоа е вонредна мерка која служи за воспоставување на законитоста и за заштита на сите жители на областа.
- Ако по изборите на 21 декември Каталонија се врати кон „нормален живот“, порастот на шпанската економија ќе изнесува 2,8 до три проценти, истакна Рахој.
Поради политичката нестабилност во Каталонија, Мадрид минатиот месец ги намали официјалните прогнози за економски раст за следната година од 2,6 на 2,3 отсто.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка