Рафаел Кореа го нарече Морено предавник поради апсењето на Асанж
Поранешниот претседател на Еквадор, Рафаел Кореа, кој од 2017 година живее во егзил во Белгија, го обвини неговиот наследник претседателската функција Ленин Морено, дека е „најголемиот предавник во јужноамериканската историја“ поради апсењето на Џулијан Асанж.
Кореа реагираше на Твитер по веста дека британската полиција добила пристап до Амбасадата на Еквадор во Лондон, каде седум години се криеше основачот на Викиликс, Џулијан Асанж.
– Најголемиот предавник во еквадорската и латиноамериканската историја, Ленин Морено, и дозволи на британската полиција да влезе во нашата амбасада во Лондон за да го уапси Асанж. Морено е корумпиран човек, но ова што го стори е злосторство што човештвото никогаш нема да го заборави, напиша Кореа.
Еквадорските власти истакнаа дека одлуката за одземање на дипломатскиот азил на Асанж била суверена поради нарушување на меѓународните конвенции и протоколот за соживот од страна на основачот на Викиликс.
Морено важи за поблизок до САД од неговиот претходник, Кореа, кој две години живее во егзил во Белгија, откако заврши неговиот претседателски мандат и властите во Кито го гонат со меѓународна потерница за киднапирање на поранешен еквадорски опозиционер Фернандо Балда.
Рафаел Кореа е оженет со Белгијка и студирал на белгискиот универзитет УЦЛ во Лувен.
Ново на Сител
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана