Радош Вукиќевиќ, нов генерален директор на ВВ „Тиквеш“

Управниот одбор на винарската визба „Тиквеш“ го именува Радош Вукиќевиќ за нов генерален директор на компанијата. 

Вукиќевиќ, од почетокот на 2010 до средината на 2013 година беше менаџер за маркетинг и односи со јавност во ВВ „Тиквеш“.

Во својата досегашна кариера, Вукиќевиќ работел и како претставник на компанијата „Кока-Кола“ за Македонија, како и регионален менаџер за продажба и директор на сектор за управување со ланецот за набавки и логистика во компанијата „Алкалоид“. Во изминатите четири години ја извршуваше функцијата економски промотор на Република Македонија со седиште во Софија, одговорен за пазарите на Бугарија и Србија.