Радев води со 24,9 отсто на претседателските избори во Бугарија
Независниот кандидат Румен Радев, кој ја има поддршката на најголемата опозициска сила во Бугарија, Бугарската социјалистичка партија (БСП), освои најмногу гласови на претседателските избори, 24,9 отсто.
На второ место е Цецка Цачева, кандидатот на владејачката партија Граѓани за европски развој на Бугарија (ГЕРБ), на премиерот Бојко Борисов и актуелната претседателка на бугарското Народно собрание, со 22,3 проценти, покажаа првите прелиминарни резултати.
Доколку овие резултати бидат официјално потврдени, Радев и Цачева ќе ги одмерат силите во вториот круг од изборите на 13 ноември.
Радев синоќа во првата реакција по изборите изјави дека народот гласал за промени.
- Народот и кажа „не“ на апатијата и гласаше за промени, порача 53-годишниот Радев, поранешен генерал и пилот.
Радев изјави дека се залага за „побезбедни, поефикасни институции, подобар животен стандард, искоренување на корупцијата, картелите и монополистите и чесна реформа на правосудството“.
Борисов претходно изјави дека доколку Цачева не биде прва во првиот круг на гласањето, ќе побара предвремени избори.
За нов петгодишен мандат за претседател се натпреваруваа 21 кандидат.
Предизборната кампања претежно беше фокусирана на иднината на Европската унија, односите со Русија и заканите од потенцијалното зголемување на приливот на мигранти од соседна Турција.
Гласањето на претседателските избори прв пат е задолжително.
Претседателот на државата воглавно има церемонијална функција и иако како шеф на државата нема извршни овластувања, туку сите поважни политички одлуки мора да ги одобри Парламентот, фактот дека се избира на директни избори му дава поголемо влијание и поголем авторитет.
Тој раководи со вооружените сили, именува амбасадори и шефови на разузнавачки и безбедносни служби, потпишува меѓународни договори и може да стави вето на законите.
Ново на Сител
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче