Радев: Извештајот на ЕК открива проблеми што им се очигледни на Бугарите со години
По првпат, Европската комисија објави извештај со анализа на владеењето на правото во сите земји на ЕУ, кој нотираше многу проблеми кога станува збор за Бугарија.
– Извештајот на Европската комисија ги констатираше проблемите кои со години се очигледни за Бугарите. Но, кога го коментираме овој извештај, мора да сфатиме дека колку што е критички настроен кон Бугарија, толку е самокритичен и кон самата ЕУ, бидејќи тоа е признание за долгогодишен неуспех во борбата против неконтролираната корупција, изјави бугарскиот претседател Румен Радев.
Шефот на државата посочи дека продолжувањето на Механизмот за соработка и верификација е доказ дека владата не добива европска индулгенција поради неуспехот во борбата против корупцијата, пренесува БГНЕС. – Мојата благодарност и поддршка е за сите граѓани кои престанаа да чекаат констатации и одлуки однадвор за справување со политичката корупција, лошото медиумско опкружување, олигархиските зависности, недостигот на контрола на главниот обвинител и се борат да ја вратат својата земја, рече Радев.
– Систематското газење на законот и јавниот интерес од страна на главниот обвинител во неговите напори да ја заштити владата и одредени олигарси по секоја цена и да се нападнат неподобните, го нарушува владеењето на правото и бара одговор од целиот правосуден систем, рече бугарскиот претседател. Тој изрази надеж дека со заеднички напори чесните бугарски обвинители ќе добијат шанса да започнат вистинска борба против корупцијата и ќе бидат во одбрана на владеењето на правото.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор