Работилница за проекти меѓу пограничните региони на Србија и Северна Македонија
Во рамки на проектот „Партнерство и градење на капацитети, пат до одржлив развој“ Центарот за развој на Јабланичкиот и Пчињскиот регион, денеска и утре во Скопје одржува работилница за идентификација и подготовка на заеднички концепт проекти. На работилницата учествуваат градоначалници, претседатели на општини и претставници на локалните самоуправи од Јабланичкиот и Пчињскиот регион во Србија како и претставници на општини од северозападниот и скопскиот регион на Северна Македонија.
Целта на работилницата е препознавање на заеднички интереси и конципирање предлог проекти за подобра подготовка за претстоечката соседска програма Србија-Северна Македонија.
Проектот има за цел вмрежување на локалните самоуправи од Јабланичкиот и Пчињскиот регион и општините од Северна Македонија и подигнување на капацитетите на локалните самоуправи за учество во програми за прекугранична соработка. Во проектот е вклучена поддршка во подготовка и имплементација на ЕУ проекти (ИПА прекугранична соработка Бугарија-Србија и Србија-Северна Македонија).
Претставници на градови и општини од Јабланичкиот и Пчињскиот регион во Србија и претставници на општини од северозападниот и скопскиот регион на Северна Македонија во октомври склучија партнерство и потпишаа меморандум за разбирање и соработка. На дводневната работилница ќе се направат поконкретни чекори во меѓусебната соработка.
Проектот го кофинансираат Развојната Агенција на Србија, Центарот за развој на Јабланичкиот и Пчињскиот регион и 12 единици на локални самоуправи од Јабланичкиот и Пчињскиот регион. Проектот се реализира од август минатата година.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.