Работилница за подобрување на заштита на природата
Подобрување на заштитата на природата и промоција на одржливо користење на природните ресурси, со истовремено зголемување на капацитетот на органите за управување на заштитените подрачја, локалните самоуправи и граѓанските организации, има за цел проектот „Подобрување на управувањето со заштитените подрачја“ за кој денеска ќе се одржи воведна работилница.
Како дел од проектот, планирано е да бидат доделени до 20 грантови на управувачите со заштитени подрачја, општините и граѓанските организации за да преземат активности кои ќе ја подобрат заштитата на природата, а истовремено ќе придонесат за благосостојбата на локалните заедници.
- Вредностите на грантот се движат од 50.000 до 400.000 евра. Јавниот повик за предлог проекти беше отворен на 4 декември, а крајниот рок за поднесување е 29 декември 2017 година. Избраните апликации ќе добијат прилагодена поддршка за подготовка на целосните проектни апликации и во нивната имплементација, а денешната работилница ќе им даде можност на потенцијалните кандидати да добијат дополнителни информации за Програмата за грантови и да добијат информации во врска со потенцијалните концептни идеи, соопштуваат од УНДП.
Проектот е финансиран од Европската Унија, преку ИПА2 – Секторската оперативна програма за животна средина и климатска акција 2014-2020, а се спроведува од страна на Програмата за развој на ОН во соработка со Министерството за Животна Средина и Просторно Планирање.
Ново на Сител
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто
-
СДСМ: Нема ништо ново во понудата на ВМРО-ДПМНЕ
-
И Италија ќе го чува македонското небо
-
Објавен конкурсот за уписи во средно училиште