Работилница за поддршка на развојот на мали и средни претпријатија
Во организација на Министерството за локална самоуправа, со поддршка на УНДП, денеска е отворена третата, завршна работилница на тема „Поддршка на развојот на мали и средни претпријатија”.
Како што соопштија од Министерството за локална самоуправа, на работилницата, домашни и странски експерти презентирале анализи и препораки за моменталниот статус на бизнис инфраструктурата во Република Македонија, за улогата на малите и средни претпријатија во локалниот економски развој. Биле презентирани анализи и за функционирањето на бизнис инкубатори, технолошки паркови и центри за иновација, како и дефинирање на условите и активностите за поддршка на стартапи и приватни фондови.
Државниот секретар во Министерството, Цветановска Гугоска на отворањето информирала дека Министерството за локална самоуправа заедно со УНДП, развиле неколку клучни проекти кои што преку партнерство меѓу јавниот и приватниот сектор, се во функција на локалниот и на регионалниот развој.
- Станува збор за иновативни начини за обезбедување на услуги на бизнис секторот на регионално и на локално ниво преку Бизнис центрите воспоставени во осумте плански региони. Исто така на регионално ниво функционираат и Мрежи за инклузивен развој, се со цел да се создаде амбиент на партнерство и конкуренција сватена како колаборативна предност на планските региони, истакнала Цветановска.
Учесници на работилниците биле раководителите на Центрите за развој на планските региони и раководителите на Секторите за локален развој во општините.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња