Путин: Русија може дополнително да го намали бројот на американските дипломати во земјата
Официјална Москва го задржува правото дополнително да го намали бројот на американски дипломати во Русија, но засега тоа нема да го направи, изјави рускиот претседател Владимир Путин.
Како што јавува ТАСС, Путин, кој ја завршува посетата на Кина, истакна дека Москва и Вашингтон се договориле да имаат еднаков број дипломати во Русија и САД. Во Русија работеа околу 1.300 американски дипломати, а руски во САД се 455. Според Путин, меѓу тие 455 вработени, се и 155 лица кои работат за Обединетите нации, кои „стриктно гледано, не се дипломати со акредитација од Стејт департментот, туку се соработници на светската организација“.
- Така што, доколку зборуваме за целосен паритет, од 455 дипломати на САД во Москва, треба да се намалт дополнителни 155 лица. Поради тоа го задржуваме правото понатаму да го донесеме тоа решение, но засега тоа нема да го направиме. Ќе видиме како понатаму ќе се развива ситуацијата, нагласи Путин.
Рускиот претседател најави дека ќе му наложи на Министерството за надворешни работи на Русија преку американските судови да си го врати одземениот руски дипломатски имот во САД.
- Што се однесува до зградите и објектите на руската дипломатска мисија во САД, ова е навистина без преседан. САД и го одзедоа правото на Русија да го користи својот имот. Ова е јасно кршење на имотните права на руската страна. Затоа, прво ќе побарам од руското Министерство за надворешни работи да се обрати до судот. Да видиме како функционира фантастичниот американски судски систем, рече Путин.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање