Путин повторно највлијателна личност според „Форбс“
Рускиот претседател Владимир Путин четврта година по ред е прогласен за највлијателна личност во светот од „Форбс“.
- Од својата татковина до Сирија, како и до американските избори, рускиот лидер продолжува да си ги постигнува целите, се наведува во образложението на „Форбс“.
На второ место е новоизбраниот претседател на САД, Доналд Трамп, а на трето место е германската канцеларка Ангела Меркел.
Потоа следи кинескиот претседател Кси Џинпинг, на петто место е папата Франциско, а на шесто место е директорката на Американската централна банка Џенет Јелан.
Според „Форбс“ на седмо место е коосновачот на „Мајкрософт“ Бил Гејтс, потоа директорот на „Алфабет“ и на „Гугл“ Лари Пејџ, на девето - индискиот премиер Нарендра Моди, а на десето место е основачот на „Фејсбук“ Марк Зукерберг.
Европскиот централен банкар Марио Драги е на 11. место, а новата британска премиерка Тереза Меј е на 14 место, а на 15 место е милијардерот Ворен Бафет.
Претседателот на нафтениот гихант „Ексон мобил“ Рекс Тилерсон, кој Трамп вчера го номинираше за државен секретар е на 25 место, веднаш зад претседателот на Франција, Франсоа Оланд.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО