Путин: Обвинувањата за наводната вмешаност на Русија во кампањата на Трамп, им штетат на САД
Рускиот претседател Владимир Путин денеска изјави дека обвиненијата против американскиот претседател Доналд Трамп за наводна соработка со Русија му штети на американскиот политички систем и покажаа непочитување на оние кои гласале за Трамп.
Во своето обраќање на годишната прес-конференција, Путин повторно ги отфрли обвинувањата за мешање во претседателските избори во САД, велејќи дека обвиненијата против Трамп ги шират неговите политички противници, во обид да го поткопаат неговиот легитимитет.
Тој рече дека е збунет од внатрешните политички превирања во САД, потенцирајќи дека тие и нанесуваат штета на внатрешно-политичката ситуација на САД и покажуваат „недостаток на почит кон гласачите", кои го избрале Трамп.
Рускиот претседател ги нагласи достигнувањата на Трамп, велејќи дека ширењето на пазарот покажува доверба на инвеститорите во економскиот курс на Трамп.
Путин изрази надеж дека ќе се подобрат руско-американските односи, нагласувајќи дека двете земји треба да соработуваат за да се справат со глобалните предизвици.
Ново на Сител
-
Приведено уште едно лице за убиството на докторот во Железара
-
Вработените во здравството најавуваат протест на 8 април
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”