Путин и Ердоган изразија задоволство за постигнатиот договор за Сирија
Претседателите на Русија и Турција Владимир Путин и Реџеп Таип Ердоган изразија денеска задоволство за договорот за мирно решавање на ситуацијата во Сирија што е постигнат меѓу сириската Влада и опозицијата.
Двајцата претседатели, чии земји се гаранти на овој договор, порачаа дека имаат намера да ја продолжат соработката во борбата против тероризмот.
Претседателите изразија задоволство за договорот меѓу сириската Влада и опозицијата за прекин на непријателството во Сирија и транзицијата кон политичко решение со посредништво на Русија и Турција, се наведува во соопштението на Службата за односи со јавност на Кремљ.
Путин и Ердоган, исто така повикаа на понатамошно зајакнување на соработката во борбата против тероризмот, но нагласија дека примирјето не се однесува на терористичките организации, пред се на ИД, стои во соопштението.
Турските медиуми јавија дека Турција и Русија усогласиле план за сеопфатно примирје во Сирија, што предвидува прекин на воените дејствија.
Планот треба да важи за сите региони во Сирија каде се водат борби меѓу владините сили и групите на вооружената опозиција, но не и за судирите со „терористичките организации“, како групата Исламска држава.
Претходно, за преговорите за Сирија, што се планирани да се одржат во Астана, при телефонски разговор зборуваа министрите за надворешни работи на Русија и Турција Сергеј Лавров и Мевлут Чавушоглу.
Тие се согласија дека е важно да се координира прекинот на огнот во Сирија со Иран и со специјалниот претставник на ОН за Сирија Стафан де Мистура.
Портпаролот на Слободниот сириски сојуз Осам Абу Заид изјави претходно денеска дека сириската опозиција ќе се придржува на договорот за прекин на огнот на ниво на цела Сирија, како и дека ќе учествува во идните преговори.
Ново на Сител
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ