Путин го информира Ердоган за посетата на сирискиот претседател на Москва

Рускиот претседател Владимир Путин телефонски го извести шефот на турската држава Реџеп Таип Ердоган за вчерашната средба со Башар ал Асад во Москва, изјави денеска портпаролот на Кремљ, Дмитриј Песков.

Путин и Ердоган се договориле подетално да разговараат за ситуацијата во Сирија на средбата на Г-20, што треба да се одржи следниот месец.

Ердоган изрази загриженост поради нападите во сирискиот град Алепо и неговата околина, наведувајќи оти истите можат да предизвикаат нов бегалски бран.

Во телефонски разговор Ердоган го потенцирал значењето на  Турција во борбата против сите терористички групи, вклучително и Исламска држава.

Турскиот претседател во телефонскито разговор ги посочил и врските меѓу сириските курдски Сили за заштита на народот и борците на Курдската работничка партија (ПКК), кои со децении водат борба против турската држава.

Во меѓувреме, Асад изјави дека руската акција ги спречила терористите да заземат поголема територија од Сирија.