Свет
15. February 2019 - 15:39

Путин: Европа не сака американски ракети, но не смее да се спротивстави

Рускиот претседател Владимир Путин изјави дека европските земји не сакаат да гледаат американски проектили на нивна територија, но дека нивните челници не смеат да му се спротивстават на Вашингтон, пренесува агенцијата „Тасс“.

„Дали мислите дека било која од европските земји сака американски проектили со среден дострел да бидат поставени во Европа? Никој не го сака тоа, но подобро им е да си молчат. Се прашувам каде ли е нивниот суверенитет“, изјави Путин.

Тој тврди дека Европскиот парламент донесува многу повеќе обврзувачки одлуки кои се однесуваат на сите земји-членки на ЕУ, отколку што поранешниот Врховниот Совет своевремено носел за членките на Советскиот Сојуз.