Фудбал
24. August 2016 - 12:11

Пуштени во продажба билетите за натпреварот Македонија - Северна Ирска (У-21)

Од денеска почнува продажбата на влезниците за натпреварот Македонија - Северна Ирска од европските квалификации за репрезентации до 21 година. Приходот од влезниците ќе биде дониран за настраданите од поплавените подрачја во скопскиот регион.
 
- Со секоја купена влезница донирате 100 денари за натсраданите и давате поддршка на репрезентацијата на Македонија. Најталентираната македонска селекција со победа на важниот дуел против Северна Ирска ќе биде на чекор до историски пласман во квалификацискиот циклус за ЕП 2017, апелираат од ФФМ за што поголема посетеност на овој дуел.
 
Средбата ќе се игра на 6 септември со почеток во 18:45 часот, а цената на влезницата е 100 денари.
 
Билетите може да се купат на штандот на ФФМ во „Skopje City Mall“ како и на сите продажни места на „MkTickets“ во салоните или по електронски пат.