Балкан
18. March 2023 - 21:03

Пукање во хотел во Приштина - едно лице загина, а две се повредени

Eдно лице загина, а две се повредени во хотел во Приштина, пренесува „Газета експрес“.

Според портпаролката на косовската полиција за регионот на Приштина, Фљора Ахмети, денеска околу 13 часот и 20 минути полицијата добила информација за пукање во хотел во населбата Арберија во Приштина.

На местото веднаш пристигнале полициски единици и медицинска екипа.

Според првичните информации едно лице се здобило со прострелни рани и починало на лице место, а лекарската екипа ја констатирала смртта. Две лица се повредени и испратени во болница.

Полициски истражители во координација со државниот обвинител работат на расветлување на сите околности поврзани со настанот.