Македонија
20. December 2018 - 23:08

Пукање во Чаир, повредено едно лице

Едно лице е повредено во пукање што се случило попладнево во Чаир. Неофицијално станува збор за Ваљон Беља од ДУИ, кој од октомври е економски директор на Клиниката за гинекологија

Попладнево во 17 и 45 часот во полиција било пријавено пукање во Чаир. Според информациите на полицијата, инцидентот се случил на улица Лазо Трповски, а повредениот, според полицијата, е В.Б. (40) од Скопје.

Во него пукало лице кое било заедно со Е.Х., Е.А. и Р.Н.. Повредениот со прострелна рана во ногата е пренесен во ГОБ „Св.Наум Охридски“. Од МВР велат дека се работи на расчистување на случајот.