Публикација: Ромите во Велес живеат во руинирани куќи без услови за пристојно домување
Во неурбанизирани, стари, руинирани и неквалитетно изградени куќи живеат Ромите во велешките населби Прцорек, Кумсал и Костурница. Во Велес Ромите официјално се 677 жители, а неофицијално меѓу 800 и илјада. Само помалку од половината од куќите се легализирани, голем дел немаат струја и вода, поради неможност да си ги платата сметките.
Ова се дел од проблемите на Ромите во Велес, констатирани во рамки на проектот „Мапирање на разликите во домувањето за Роми“ што денеска беше презентиран со публикација и документарен филм проектиран во Општина Велес.
Проектот со средства од ЕУ се спроведува во уште седум општини: Куманово, Кичево, Кочани, Штип, Битола, Прилеп и Чаир во реализација на Здружението „Ромски деловен информативен центар на Македонија“.
Рамуш Мулај, координатор на проектот, информира дека повеќе од половината од велешките Роми аплицирале до крајот на минатата година за легализирање на нивните објекти, а од нив повеќето од 50 отсто се веќе решени. Останатите, како што рече, се во постапка.
Тој појасни дека дел од нивите постапки за легализација се во прекин од причина што немаат урбанистички планови во населбите во кои живеат и кои Општина Велес треба да ги донесе за нивните домови потоа да се легализираат.
Елизабета Јовчевска од Општина Велес, за МИА појаснува дека општината им излегува во пресрет на граѓаните Роми и за нив изготвува бесплатни елаборати за легализација на нивните домови.
Таа потенцира дека Општина Велес е отворена за решавање на прашањата на сите граѓани па и за граѓаните Роми. Појасни дека голем дел од нив имаат поднесено барање до Општина Велес за легализација на нивните домови
-Дел од барањата се уредни,а дел треба да се дополнат со документација и граѓаните се известени за тоа истите треба да ги дополнат и се постапува по нив. Веќе дел и се одговорени со тоа што се донесени решенија и завршени постапките за легализација и веќе се во нивна сопственост. Дел од нив дополнително се решаваат, појасни Јовчевска.
Таа информира дека половина од дивите објекти кои се на нестабилно подрачје како што е месноста Рамина, а кои не можат да се решат од причина со барањето сопствениците мора да достават и елаборат за статика на куќата за да може може понатаму да продолжи постапката.
Јовчевска посочи дека без тој документ не може да продолжи постапката,а со донесување на таа документација објектот може да се легализира.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка