Псаки: САД нема да издаваат федерални пасоши за вакцинација

Нема планови за издавање федерални пасоши за вакцинација против коронавирус во Соединетите Американски Држави, изјави портпаролката на Белата куќа, Џен Псаки.

– Нема да издаваме пасоши за вакцинација од федералната влада, рече Псаки.

Сајрус Шахпар, директор за статистика за пандемијата во Белата куќа, претходно рече дека повеќе од 70 отсто од возрасните американски граѓани примиле барем една доза од вакцината против Ковид-19.