Првите авиони со храна пристигнаа во Јемен откако Саудиска Арабија го укина ембаргото
Четири авиони со хуманитарна помош денеска пристигнаа во Сана, главниот град на Јемен, јави новинската агенција ДПА. Ова е првата пратка хуманитарна помош за Јемен испорачана откако Саудиска Арабија и нивните сојузници во регионот воведоа ембарго врз Јемен на 5 ноември. Ембаргото беше воведено откако шиитската бунтовничка група Хути истрела ракета кон саудискиот главен град Ријад.
Саудиска Арабија и Иран помагаат спротиставени групи во граѓанската војна во Јемен, која изби во 2014 година, со обидот на Хутите да ја преземат контролата врз државата. Војната предизвика глад во Јемен, и се смета дека од 27 милиони жители, 17 милиони немаат доволно храна. Се уште не е јасно дали ембаргото што го воведе Саудиска Арабија ќе биде симнато во целост, или ќе остане на сила за шиитските делови на Јемен кои се под контрола на Хутите. Кога го воведе ембаргото, Саудиска Арабија соопшти дека тоа е неопходно за да се спречат натамошните ирански пратки на оружје за Хутите
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица