Првиот финален дуел за Работнички | Сител Телевизија
Кошарка
21. May 2018 - 10:24

Првиот финален дуел за Работнички

Кошаркарите на Работнички го добија првиот дуел од плеј-оф финалната серија против МЗТ со 86-77  и поведоа со 1-0.
Првото полувреме помина во израмнета игра во која и двата клуба не успеаја да направат разлика (на полувремето беше 42:42), актуелните шампиони МЗТ во третата четвртина играа многу подобро и во последните 10 минути влегоа со четири поени предност (65:61).

Но, тогаш искуството на тимот на Марин Докузовски се покажа и Работнички удобно стигна со победа од 86:77 за да поведат со 1:0 во финалната серија. Единствена дамка за Работнички може да е повредата на Димитар Мираковски во третата четвртина од мечот, по која е неизвесен неговиот настап во финалето.

Најефикасен во тимот на Работнички беше Чавдар Костов со 21 поени, а Робинсон додаде 18, додека за МЗТ, Дамјан Стојановски и Лалиќ имаа по 18 поени.

„Металците“ ќе имаат шанса за реванш веќе во вторник (17 часот), кога се игра вториот меч, овојпат пред нивната верна публика.