Прва средба на Синдикатот на УПОЗ со новиот министер за правда
Потребата од измени на Законот за судска служба, решавање на недостигот на кадар во јавните обвинителства и прашањето за бенифициран стаж на вработените во казнено-поправните установи се прашањата кои денеска ги покренал Синдикатот на работниците од управата, правосудните органи и здруженија на граѓани (УПОЗ) на првата средба со новиот министер за правда.
Од Синдикатот изразија задоволство од средбата со новиот министер од кого, како што изјавија, добиле ветување за унапредување на соработката.
- Побаравме од министерот да се заложи за враќање на украдените пари за време на штрајкот на вработените во судската служба односно казната што ја доживеаја од страна на претседателот на Судскиот совет бидејќи незаконски им беа одземени. Побаравме и реализација на решенијата кои ги добија вработените во судската служба од 10 проценти за април кои им беа ветени од страна на Судскиот совет, а не беа реализирани, изјави претседателот на УПОЗ Пеце Грујовски по средбата.
Тој додаде дека добиле ветување од министерот за унапредување на соработката во иднина и дека како социјални партнери ќе соработуваат при носењето на законите коишто се во интерес на вработените од правосудството.
Одговарајќи на новинарско прашање за новоформираниот синдикат за администрација во рамки на Сојузот на синдикати на Македонија, Грујовски оцени дека се работи за обид на претседателот на ССМ да го разедини синдикалното движење.
- Многу е лесно да формирате синдикат и да го запишете во Централен регистар, но што ќе понудите, тоа е веќе друго прашање. Ова е начин на Живко Митревски да го разедини синдикалното движење, рече Грујовски.
Ново на Сител
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО