Прв собир на македонските ракометари за ЕП 2016

Машката македонска ракометна репрезентација денеска ја започна операцијата Европско првенство Полска 2016-та.

 

Со првиот собир одржан во хотелот Русија во Скопје попладнево, машката ракометна репрезентација ги започна подготовките за ЕП кое од 15 јануари 2016 ќе се одржува во Полска.

 

Во отсуство на селекторот Ивица Обрван, кој поради лични причини не беше денеска, неговиот асистент Данило Брестовац го презентира планот за подготовките.

 

Од повиканите 23-ракометари недостасуваа, капитенот Кирил Лазаров и Гоце Георгиевски кои ќе се приклучат во наредните денови, а последни доаѓаат интернационалците од Германија, Филип Миркуловски, Борко Ристовски и Ацо Јоноски, кои со своите екипи имаат натпревари на 29 декември

 

Како дел од подготовките предвидени се и четири контролни натпревари. На 4 и 5 јануари на гостински терен Македонија ќе спарингува со Словенија, а на 10 и 11 јануари во Скопје, нашата репрезентација ќе одигра два натпревари против Црна Гора. 

 

На Европското во Полска, Македонија се наоѓа во силната А група А, во која за противници ќе ги има актуелниот олимписки, светски и европски првак Франција, домаќинот Полска и репрезентацијата на Србија. Натпреварите по истиот редослед ќе се играат во Краков, по што првите три селекции ќе обезбедат пласман во втората фаза.