Македонија
6. March 2017 - 8:47

Прв академски час на кандидатите за офицери во АРМ

Во Воената академија во Скопје денеска ќе се одржи првиот академски час за подофицери и професионални војници со завршено високо образование кои ќе станат офицери на Армијата на Република Македонија.

На првиот академски час, како што е најавено, ќе се обрати министерот за одбрана Зоран Јолевски.

- Со произведувањето на офицери од подофицерите и професионалните војници, Министерството за одбрана на дело покажува дека посветува голема грижа првенствено за припадниците на Армијата и за своите вработени, се наведува во соопштението од Министерството.

Произведувањето офицери од басенот на подофицери и професионални војници кои имаат завршено цивилно високо образование се врши по повеќе од осум години. Подофицерите и професионалните војници по завршувањето на три-месечниот курс ќе станат офицери во соодветната струка – правна, интендантска, техничка, финансиска, музичка и во сообраќајна струка.