Македонија
28. јуни 2017 - 9:55

Прскање против комарци во Македонска Каменица

Во Општина Македонска Каменица вечер од 22:00 до 2:00 часот по полноќ ќе биде спроведено првото терестрично прскање против комарци оваа сезона.

Според Добри Јаневски од Општината, опфатени ќе бидат околу 250 хектари.

- За разлика од претходната година, овојпат со прскањето ќе ги опфатиме повеќе селата, Тодоровци Луковица, Косевица, Моштица, Саса и Сатар Каменица, а во градот ќе се прска покрај течението на реката, во паркот, по главните улици.Апелираме за помала раздвиженост на населението во периоддот на прскање и затворање на пчелните семејства 12 часа по прскањето, истакна Јаневски и додаде дека дезинсекцијата ќе ја врши ДТУ „Токси-вет“ ДООЕЛ Скопје.

Во Општина Македонска Каменица е предвидено да бидат спроведени уште две терестрични прскања и три авионски.

- Првото авионско прскање ќе се реализира во средината на јули. Во моментов сме во разгвори со соседните две општини Виница и Кочани кои исто така ќе спроведуваат авионско прскање, па тоа да го направиме заедно. Авионското рпскање против комарци ќе биде насочено претежно над градот, рече Јаневски.