Протести во повеќе европски градови поради имиграциската забрана на Трамп
Илјадници Европејци огорчени од забраната на американскиот претседател Доналд Трамп за влез во САД на мигранти од седум доминантно муслимански земји, вчера демонстрираа во повеќе европски градови.
Во Лондон се оддржа најмасовниот протест, на кој се собраа околу 10.000 лица, пренесоа француските медиуми.
Илјадници демонстранати маршираа од американската амбасада во Лондон до зградата на Парламентот, барајќи од владата да ја повлече поканата до американскиот претседател за посета на Велика Британија, пренесуваат американските медиуми.
Како што се наведува, демонстрантите извикуваа „Тереза Меј, срам да ти е“.
Критичарите на британската премиерка, Терезе Меј, негодуваат уште од нејзината посета на Вашингтон, кога таа и ги потврди плановите за возвратна посета на Трамп на Обединетото кралство, во текот на летото.
Во Париз и Берлин на протестите излегоа по околку илјада лица, додека помали собири беа оддржани и во неколку британски градови вклучувајќи ги Манчестер и Бирмингем, пренесуваат француските медиуми.
Повеќе стотици демонстранти се собраа и во шведската престолнина Стокхолм, како и во Барселона.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар