Протести во Могадишу поради вчерашниот самоубиствен напад
Илјадници граѓани на Могадишу денеска протестираа поради вчерашниот самоубиствен напад со камион-бомба, во кој досега загинаа најмалку 231 лице.
Граѓаните го одржаа протестот на местото на нападот, што се смета за најсмртоносниот во историјата на Сомалија.
Сомалиските доктори се обидуваат да им помогнат на стотиците тешко повредени лица.
Полицискиот началник Мухамед Хусеин, наведе дека голем број луѓе им подлегнале на повредите в болница.
При вчерашниот самоубиствен напад во Могадишу, биле уништени десетици автобуси на јавниот превоз и околу 100 автомобили. Причинета била огромна штета и на околните згради.
Сомалискиот министер за информации, Абдирахман Јарисоу го осуди „ужасниот напад на терористите“, обвинувајќи ја за тоа екстремистичката група Ал Шабаб, и покрај тоа што се уште никој ја нема преземено одговорноста.
Ново на Сител
-
Гласаат затворениците во Штип
-
Управен ја запре постапката за вработување на 130 кандидати за идни судии и јавни обвинители
-
ДСЗИ констатира незаконско работење на Токсикологија – лица без договор за работа давале здравствени услуги
-
Супервештачење за случајот Веапоска која остана без три органи
-
Ученикот кој претепа наставничка ќе биде префрлен во друго училиште
-
Просечната плата помала за 5 евра, трошоците зголемени за 20 евра - синдикалната кошничка надмина 1.000 евра
-
Протест во прилепскиот затвор
-
Преглед на вестите од светот