Свет
26. November 2022 - 16:30

Протести во Кина против рестриктивните ковид мерки

Бран нови протести против ковид рестрикциите откако во пожар во зграда во Кина починаа 10 лица.

На снимките може да се види како демонстрантите се караат со полицијата, ги разбиваат бариерите и извикуваат крај на ковид карантинот.

Локалните жители сведочат дека луѓето кои живееле во зградата која се запалила биле оневозможени да го напуштат домот поради ковид рестрикциите, а ниту против пожарните служби не добиле дозвола за пристап до објектот. 

Градските власти првично ги отфрлија ваквите наводи, но потоа упатија јавно извинување додавајќи дека оние кои направиле пропуст ќе бидат казнети.

Властите во Пекинг и понатаму водат политика на нула Ковид и покрај рекордниот број на заразени во земјата и растечкиот револт кај граѓаните.