Свет
21. September 2017 - 17:38

Протести во Барселона поради уапсените каталонски владини претставници

Илјадници демонстранти се собраа денеска пред каталонскиот суд во Барселона барајќи ослободување на најмалку 12 уапсени во врска со референдумот за независност на Каталонија, закажан за 1. октомври.

Каталонските граѓански групи кои се залагаат за независност повикаа на масовни улични протести против преземените полициски мерки во текот на вчерашниот ден.

Полицијата уапси најмалку 12 лица, претежно каталонски владини претставници осомничени за организирање на референдумот, за кој шпанските власти сметаат дека е незаконски. Притоа, беа запленети и 10 милиони гласачки ливчиња.

Шпанскиот премиер Маријано Рахој ги предупреди каталонските власти на „поголема штета“ доколку не се откажат од референдумот, но регионалната Влада вети дека референдумот сепак ќе се одржи.