Протести против поскапувањето на струјата, блокирани улици во Скопје

Во 14 часот почнуваат протестите против поскапувањето на струјата. Протестот ќе почне кај Мавровка. Од тука демонстратните со коли и пешки ќе тргнат кон Министерството за правда. При тоа ќе бидат блокирани крстосниците кај Судска палата и кај Палома Бјанка. 

Ова е трет протест против поскапувањето на цената на струјата. Од овој месец сметките за електрична енергија ќе бидат повисоки за 7,4%.

Организаторите на протестите бараат поништување на одлуката на Регулатроната комисија за енергетика за зголемување на цената, поевтинување на струјата и распуштање на РКЕ. 

Протестот е најавено дека ќе трае до 16 часот, а протести се најавени и за Тетово, Прилеп и Битола.

Наташа Хаџиспиркоска Стефанова