Протести на пензионери во Атина и Солун
Пензионерите во Атина и Солун денеска излегоа на протести со барања пензиите повеќе да не се намалуваат, бесплатно државно здравство и неоданочување на минималните приходи.
- Ние плативме за кризата и не можеме повеќе да плаќаме, велат грчките пензионери.
Демонстрантите во Атина организираа марш до зградата на Министерството за труд.
Пензионерите имаат поддршка и од синдикатите, кои за 4 февруари свикаа генерален штрајк против пензиските реформи кои Владата ги предложи по барање на меѓународните кредитори.
Тоа ќе биде трет генерален штрајк за три месеци, од повторното доаѓање на власт на Алексис Ципрас. Првиот беше во ноември, а вториот во декември.
Грција е под притисок на меѓународните кредитори да ги намали трошоците за пензии, кои се најголеми во ЕУ. Земјата одвојува 17,5 проценти од бруто домашниот производ за пензии, додека во Европа просекот е 11,5 проценти од БДП.
Владата во Атина планира намалување на максималните пензии од сегашните 2.700 евра на 2.300 евра и воведување на нова минимална загарантирана основна пензија од 384 евра.
Според договорот со меѓународните кредитори, Грција годинава треба да ги намали пензиските трошоци за 1,8 милијарди евра. Предлог-законот треба да биде разгледан во Парламентот на почетокот на февруари.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација