Протест во грчкиот град Вергина против Договорот од Преспа
Стотици граѓани, меѓу кои и свештени лица и префектот на грчката област централна Македонија, Апостолос Ѕиѕикостас, вчера се собраа на плоштадот во Вергина да протестираат против Договорот од Преспа.
Со грчки знамиња и извици „Македонија е грчка“, „Овој договор е предавство“, „Тргнете ги рацете од Македонија“, „Грција, Грција, Македонија“, „Не отстапуваме“, „Ние не ја распродаваме Македонија“, граѓаните ја испратија нивната порака дека не го прифаќаат договорот.
На присутните им се обрати и митрополитот од Верија, Науса и Кабаниа, Пантелејмон кој рече дека Договорот од Преспа е против интересите на грчкиот народ и дека другата страна земал сѐ, а Грција не добила ништо.
-Ако нашите соседи се Македонци, тогаш ние што сме?, се запраша грчкиот митрополит.
Кусо пред закажаниот термин за собирот, организаторите објавија дека протестот, поради лошите временски услови се одложува, но подоцна се премислија и собирот сепак се одржа, јави дописничката на МИА од Атина.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица