Протест во Атина за зајакнување на јавното здравје
Секојдневно во болниците се хоспитализираат по 500 пациенти, во просек по 80 дневно се на апарати, но не на Одделенијата за интензивна нега, бидејќи таму нема место, вели претседателот на Федерацијата на лекари од државните болници во Грција, Михалис Јанскос, по денешниот протест на кој побараа подобро јавно здравје, дополнителни вработувања, средства за зајакнување на здравствениот систем, јави дописничката на МИА од Атина.
Вработените во државните болници, во брзата помош, лекари, болничари, организирани од синдикатот, маршираа низ улиците во Атина, поминувајќи од премиерската палата, парламентот, а протестот го завршија пред Министерството за здравство, каде што побараа средба со министерот.
Претседателот на федерацијата вели дека е голем бројот на пациенти кои умираат приклучени на апарати вон Одделите за интензивна нега во болниците, а некои со денови чекаат слободен кревет.
Пред грчкиот Парламент со едноминутен молк и со поставен венец им изразија чест на, како што рекоа, 26 нивни колеги здравствени работници кои ги загубиле животите во битката со коронавирусот.
Од Федерацијата, освен исполнување на нивните барања пред Министерството за здравство побараа и средба со министерот, а откако добија негативен одговор, ситуацијата беше тензична бидејќи се обидоа, но безуспешно, да го пробијат полицискиот блок и насилно да влезат.
Ново на Сител
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО