Протест на земјоделци пред тетовската локална самоуправа
Со двочасовен протест и блокада со трактори на улицата пред општинската зграда во Тетово повеќе земјоделци од овој регион го изразија револтот од немањето соодветна локација за продавање на своите земјоделски производи.
Тие години наназад сезонското овошје и зеленчук го продаваат на улици, тротоари и други јавни површини соочувајќи се со казни од страна на полицијата.
- Ние од ова егзистираме, а казните се поголеми од тоа што заработуваме. Бараме Општината конечно да ни изнајде соодветна локација каде ќе можеме слободно да го продаваме својот производ, рече земјоделец од тетовско Џепчиште.
Неколку земјоделци за време на одржувањето на протестот беа примени од шефот на кабинетот на градоначалникот. Таа им ветила дека ќе се разгледаат повеќе опции, односно локации каде што ќе можат да ги продаваат земјоделските производи и проблемот ќе биде решен за многу кратко време.
Земјоделците по завршувањето на протестот и блокадата најавија и понатаму дека на ваков начин ќе го изразат револтот ако Општината не го исполни ова ветување.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка