Протест на илјадници лекари и здравствени работници во Варшава
Илјадници лекари, медицински сестри и здравствени работици протестираа денеска во Варшава со барање да се зголеми буџетот за здравство.
- По шест години студии и три месеци стаж добивам плата од околу 500 евра месечно. Едно семејство не може да живее со тие пари, изјави еден од демонстрантите.
Околу 6.000 демонстранти, кои пристигнале од цела Полска, го изразија незадоволството од здравствениот систем во земјата, малите плати и најмногу од заминувањето на младите лекари, кои бараат работа во странство.
Учесниците во протестот нагласија дека Полска е една од земјите во Европа, ако не и првата, со најмал број на лекари по глава на жител.
Целта на денешниот протест е итно зголемување на буџетот за здравство според препораките на Светската здравствена организација до 6,8 отсто од бруто домашниот производ, наспроти сегашните 4,5 проценти.
Во јули полската Влада соопшти дека таа цел би можела да биде постигната дури во 2025 година, што предизвика гнев кај лекарската фела.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари