Проштална средба на Димитров со амбасадорката на НР Кина, Јин Лисјен
Министерот за надворешни работи Никола Димитров денеска имаше проштална средба со амбасадорката на Народна Република Кина во нашата држава Јин Лисјен.
Министерот Димитров, како што информира МНР, се заблагодари за придонесот на амбасадорката Јин во градењето на македонско-кинеското пријателство. Изразувајќи задоволство од нејзиниот плоден ангажман во нашата држава, министерот Димитров ѝ врачи благодарница за нејзината посветеност и напори вложени во промовирањето на пријателството и блиската соработка меѓу Република Северна Македонија и Народна Република Кина.
– Вашиот искрен, добронамерен и професионален пристап во работата придонесе, меѓу другото, и за интензивирање на размената на посети на високо ниво, истакнал министерот Димитров.
Тој изразил задоволство што токму за време на нејзиниот мандат во нашата земја беа одбележани 25 години од воспоставувањето на дипломатските односи. Димитров нагласил дека пред двете земји е отворено широко поле на можности за соработка и изрази уверување дека нејзиниот наследник ќе продолжи со истата динамика да го негува овој нагорен тренд.
На средбата Димитров и Јин го реафирмирале интересот за натамошно унапредување на соработка со НР Кина во повеќе сфери од заемен интерес, а особено во рамки на Процесот за соработка „17+1“.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок